Land of the Midnight Sun : ਦੁਨੀਆ ’ਚ ਇਕ ਅਜਿਹਾ ਵੀ ਦੇਸ਼ ਜਿੱਥੇ ਅੱਧੀ ਰਾਤ ਨੂੰ ਹੋ ਜਾਂਦੀ ਹੈ ਸਵੇਰ, ਲਗਾਤਾਰ 76 ਦਿਨਾਂ ਤੱਕ ਨਹੀਂ ਡੁੱਬਦਾ ਸੂਰਜ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਮੌਸਮ ਵਿਚ ਬਹੁਤਾ ਬਦਲਾਅ ਨਾ ਹੋਣ ਦੀ ਸਥਿਤੀ ਵਿਚ ਧਰਤੀ ’ਤੇ ਸੂਰਜ ਦੀ ਪਹਿਲੀਆਂ ਅਤੇ ਆਖ਼ਰੀਆਂ ਕਿਰਨਾਂ ਲਗਪਗ ਹਰ ਰੋਜ਼ ਇਕ ਤੈਅ ਸਮੇਂ ’ਤੇ ਧਰਤੀ ਉੱਤੇ ਪੈਂਦੀਆਂ ਹਨ, ਪਰ ਧਰਤੀ ਉੱਤੇ ਸੂਰਜ ਵੱਖ-ਵੱਖ ਸਮੇਂ ਉੱਤੇ ਚੜ੍ਹਦਾ ਹੈ। ਭਾਰਤ ਤੇ ਅਮਰੀਕਾ ਦੀਆਂ ਘੜੀਆਂ ਵਿਚ ਬਹੁਤ ਫਰਕ ਹੈ। ਇੰਨਾ ਹੀ ਨਹੀਂ ਅਮਰੀਕਾ ਦੇ ਵੱਖ-ਵੱਖ ਹਿੱਸਿਆਂ 'ਚ ਸਮੇਂ 'ਚ ਕਾਫੀ ਅੰਤਰ ਪਾਇਆ ਜਾਂਦਾ ਹੈ। ਧਰਤੀ ਦੇ ਵੱਖ-ਵੱਖ ਦੇਸ਼ਾਂ ਵਿਚ ਦਿਨ ਦੀ ਲੰਬਾਈ ਵੱਖ-ਵੱਖ ਹੁੰਦੀ ਹੈ, ਕਈ ਥਾਵਾਂ 'ਤੇ ਦਿਨ ਬਹੁਤ ਲੰਬੇ ਹੁੰਦੇ ਹਨ ਅਤੇ ਕਈ ਥਾਵਾਂ 'ਤੇ ਰਾਤਾਂ ਬਹੁਤ ਲੰਬੀਆਂ ਹੁੰਦੀਆਂ ਹਨ। ਅਜਿਹੀ ਸਥਿਤੀ ਵਿਚ, ਕੀ ਤੁਸੀਂ ਜਾਣਦੇ ਹੋ ਕਿ ਯੂਰਪ ਮਹਾਦੀਪ ਵਿਚ ਇਕ ਅਜਿਹਾ ਦੇਸ਼ (ਲੈਂਡ ਆਫ ਮਿਡਨਾਈਟ ਸਨ) ਵੀ ਹੈ ਜਿੱਥੇ ਰਾਤ ਸਿਰਫ 40 ਮਿੰਟ ਦੀ ਹੁੰਦੀ ਹੈ? ਇੱਥੇ ਅੱਧੀ ਰਾਤ ਤੋਂ ਬਾਅਦ ਸੂਰਜ ਛਿਪਦਾ ਹੈ ਅਤੇ ਕੁੱਝ ਹੀ ਦੇਰ ਬਾਅਦ ਸਵੇਰ ਹੋ ਜਾਂਦੀ ਹੈ।

40 ਮਿੰਟ ਦੀ ਹੁੰਦੀ ਹੈ ਰਾਤ

ਨਾਰਵੇ ਯੂਰਪ ਦਾ ਇਕ ਸੁੰਦਰ ਦੇਸ਼ ਹੈ ਜੋ ਆਰਕਟਿਕ ਸਰਕਲ ਵਿਚ ਸਥਿਤ ਹੈ। ਇਸ ਦੇਸ਼ ਦੀ ਸਭ ਤੋਂ ਵੱਡੀ ਖਾਸੀਅਤ ਹੈ ਇਸ ਦਾ 'ਅੱਧੀ ਰਾਤ ਦਾ ਸੂਰਜ'। ਮਈ ਤੋਂ ਜੁਲਾਈ ਦੇ ਵਿਚਾਲੇ ਲਗਪਗ 76 ਦਿਨਾਂ ਤੱਕ ਨਾਰਵੇ ਵਿਚ ਸੂਰਜ ਕਦੇ ਨਹੀਂ ਛਿਪਦਾ। ਇਸ ਦਾ ਮਤਲਬ ਹੈ ਕਿ ਇੱਥੇ ਰਾਤ ਦੇ 12.43 ਵਜੇ ਸੂਰਜ ਛਿਪਦਾ ਹੈ ਅਤੇ 40 ਮਿੰਟ ਬਾਅਦ, 1.30 ਵਜੇ ਮੁੜ ਚੜ੍ਹ ਜਾਂਦਾ ਹੈ। ਇਸ ਅਨੋਖੀ ਘਟਨਾ ਕਾਰਨ ਨਾਰਵੇ ਨੂੰ 'ਲੈਂਡ ਆਫ ਮਿਡਨਾਈਟ ਸਨ' ਵਜੋਂ ਜਾਣਿਆ ਜਾਂਦਾ ਹੈ।