ਸੋਸ਼ਲ ਮੀਡੀਆ ਦੇ ਸਭ ਤੋਂ ਵੱਡੇ ਦੀਵਾਨੇ ਹੁੰਦੇ ਹਨ ਇਸ ਮੁਲਾਂਕ ਦੇ ਲੋਕ, 24 ਘੰਟੇ ਰਹਿੰਦੇ ਨੇ ਆਨਲਾਈਨ

ਧਰਮ ਡੈਸਕ, ਨਵੀਂ ਦਿੱਲੀ। ਅੱਜਕੱਲ੍ਹ ਦੇ ਡਿਜੀਟਲ ਯੁੱਗ ਵਿੱਚ ਸਵੇਰੇ ਉੱਠਣ ਤੋਂ ਲੈ ਕੇ ਰਾਤ ਨੂੰ ਸੌਣ ਤੱਕ ਸਾਡੇ ਵਿੱਚੋਂ ਬਹੁਤੇ ਲੋਕ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਮਾਂ ਬਿਤਾਉਂਦੇ ਹਨ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਅੰਕ ਜੋਤਸ਼ ਮੁਤਾਬਕ ਕੁਝ ਅਜਿਹੇ ਵੀ ਮੁਲਾਂਕ ਹਨ, ਜੋ ਸੋਸ਼ਲ ਮੀਡੀਆ ਦੇ ਸਭ ਤੋਂ ਵੱਧ ਦੀਵਾਨੇ ਹਨ। ਕਹਿਣ ਦਾ ਮਤਲਬ ਇਹ ਹੈ ਕਿ ਇਹ ਲੋਕ ਆਪਣਾ ਜ਼ਿਆਦਾਤਰ ਸਮਾਂ ਸੋਸ਼ਲ ਮੀਡੀਆ 'ਤੇ ਸਕ੍ਰੋਲ ਕਰਦੇ ਹੋਏ ਲੰਘਾਉਂਦੇ ਹਨ।

ਅੰਕ ਜੋਤਸ਼ ਵਿੱਚ ਇੱਕ ਅਜਿਹਾ ਖ਼ਾਸ ਮੁਲਾਂਕ ਹੈ, ਜਿਸ ਦੇ ਜਾਤਕ ਰੀਲਾਂ/ਵੀਡੀਓ ਬਣਾਉਣ, ਟ੍ਰੈਂਡਸ ਨੂੰ ਫਾਲੋ ਕਰਨ ਜਾਂ ਨਵੇਂ ਗੈਜੇਟਸ ਵਰਤਣ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ਦੇ ਵੱਡੇ ਪ੍ਰੇਮੀ ਹੁੰਦੇ ਹਨ। ਇਹ ਮੁਲਾਂਕ 5 ਹੈ। ਕਿਸੇ ਵੀ ਮਹੀਨੇ ਦੀ 5, 14 ਜਾਂ 23 ਤਾਰੀਖ਼ ਨੂੰ ਜਨਮ ਲੈਣ ਵਾਲੇ ਲੋਕਾਂ ਦਾ ਮੁਲਾਂਕ 5 ਹੁੰਦਾ ਹੈ।

ਮੁਲਾਂਕ 5 ਸੋਸ਼ਲ ਮੀਡੀਆ ਪ੍ਰੇਮੀ

ਅੰਕ ਸ਼ਾਸਤਰ ਅਨੁਸਾਰ, ਮੁਲਾਂਕ 5 ਦੇ ਅਧੀਨ ਆਉਣ ਵਾਲੇ ਜ਼ਿਆਦਾਤਰ ਜਾਤਕ ਸੋਸ਼ਲ ਮੀਡੀਆ ਦੇ ਸਭ ਤੋਂ ਵੱਡੇ ਪ੍ਰੇਮੀ ਹੁੰਦੇ ਹਨ। ਅਸਲ ਵਿੱਚ ਵੈਦਿਕ ਜੋਤਸ਼ ਵਿੱਚ ਇਸ ਅੰਕ ਦਾ ਸੁਆਮੀ ਬੁੱਧ ਗ੍ਰਹਿ ਨੂੰ ਮੰਨਿਆ ਜਾਂਦਾ ਹੈ।

ਬੁੱਧ ਗ੍ਰਹਿ, ਜੋ ਕਿ ਬੁੱਧੀਮਾਨੀ, ਸੰਚਾਰ, ਲੇਖਣੀ, ਤਕਨੀਕ, ਵਪਾਰ ਅਤੇ ਨੈੱਟਵਰਕਿੰਗ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ 5 ਅੰਕ ਨਾਲ ਜੁੜੇ ਲੋਕ ਆਪਣਾ ਜ਼ਿਆਦਾਤਰ ਸਮਾਂ ਨਵੀਂ-ਨਵੀਂ ਤਕਨੀਕ ਸਿੱਖਣ, ਮੋਬਾਈਲ ਐਪਸ ਅਤੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਬਿਤਾਉਂਦੇ ਹਨ।

ਮੁਲਾਂਕ 5 ਦੇ ਜਾਤਕ ਕਿਉਂ ਰਹਿੰਦੇ ਹਨ ਹਮੇਸ਼ਾ ਆਨਲਾਈਨ?

ਮੁਲਾਂਕ 5 ਦੇ ਲੋਕ ਸੁਭਾਅ ਤੋਂ ਕਾਫ਼ੀ ਜਿਗਿਆਸੂ ਅਤੇ ਬਦਲਾਅ ਪਸੰਦ ਕਰਨ ਵਾਲੇ ਹੁੰਦੇ ਹਨ। ਇਨ੍ਹਾਂ ਨੂੰ ਹਮੇਸ਼ਾ ਨਵੀਂ ਜਾਣਕਾਰੀ, ਟ੍ਰੈਂਡ ਅਤੇ ਵਾਇਰਲ ਕੰਟੈਂਟ ਬਣਾਉਣ ਦੀ ਕਾਹਲ ਹੁੰਦੀ ਹੈ। ਅਜਿਹੇ ਲੋਕ ਆਮ ਤੌਰ 'ਤੇ ਇੰਸਟਾਗ੍ਰਾਮ, ਫੇਸਬੁੱਕ, ਯੂਟਿਊਬ ਅਤੇ ਸਨੈਪਚੈਟ ਵਰਗੇ ਪਲੇਟਫਾਰਮਾਂ 'ਤੇ ਆਪਣਾ ਜ਼ਿਆਦਾਤਰ ਸਮਾਂ ਬਿਤਾਉਣ ਦੇ ਨਾਲ-ਨਾਲ ਆਪਣੀ ਰਾਏ ਸਾਂਝੀ ਕਰਨਾ ਪਸੰਦ ਕਰਦੇ ਹਨ।

ਅੰਕ ਸ਼ਾਸਤਰ ਮੁਤਾਬਕ, ਮੁਲਾਂਕ 5 ਦੇ ਲੋਕਾਂ ਦੀ ਸਭ ਤੋਂ ਵੱਡੀ ਚੁਣੌਤੀ ਇਨ੍ਹਾਂ ਦਾ ਫੋਕਸ ਨਾ ਕਰ ਪਾਉਣਾ ਹੈ। ਲਗਾਤਾਰ ਫੋਨ ਵਿੱਚ ਆਉਣ ਵਾਲੇ ਰੀਲ ਸੁਝਾਵਾਂ, ਨੋਟੀਫਿਕੇਸ਼ਨਾਂ ਅਤੇ ਟ੍ਰੈਂਡਸ ਕਰਕੇ ਇਨ੍ਹਾਂ ਦਾ ਜ਼ਿਆਦਾਤਰ ਸਮਾਂ ਬਰਬਾਦ ਹੋ ਜਾਂਦਾ ਹੈ। ਇਸ ਲਈ ਇਨ੍ਹਾਂ ਲਈ ਡਿਜੀਟਲ ਅਨੁਸ਼ਾਸਨ ਬਣਾਈ ਰੱਖਣਾ ਬੇਹੱਦ ਜ਼ਰੂਰੀ ਮੰਨਿਆ ਜਾਂਦਾ ਹੈ।

ਬਾਕੀ ਮੁਲਾਂਕਾਂ 'ਤੇ ਸੋਸ਼ਲ ਮੀਡੀਆ ਦਾ ਅਸਰ

ਮੁਲਾਂਕ 3 ਦੇ ਜਾਤਕ ਸੋਸ਼ਲ ਮੀਡੀਆ ਦੀ ਵਰਤੋਂ ਗਿਆਨ, ਸਿੱਖਿਆ ਅਤੇ ਆਪਣੀ ਪਛਾਣ ਬਣਾਉਣ ਲਈ ਕਰਦੇ ਹਨ।

ਮੁਲਾਂਕ 6 ਦੇ ਜਾਤਕ ਫੈਸ਼ਨ, ਲਾਈਫਸਟਾਈਲ, ਫੋਟੋਗ੍ਰਾਫੀ ਅਤੇ ਐਸਥੈਟਿਕ ਕੰਟੈਂਟ ਵੱਲ ਆਕਰਸ਼ਿਤ ਹੁੰਦੇ ਹਨ।

ਮੁਲਾਂਕ 1 ਦੇ ਜਾਤਕ ਸੋਸ਼ਲ ਮੀਡੀਆ 'ਤੇ ਆਪਣਾ ਜ਼ਿਆਦਾਤਰ ਸਮਾਂ ਆਪਣੀਆਂ ਪ੍ਰਾਪਤੀਆਂ ਅਤੇ ਨਿੱਜੀ ਬ੍ਰਾਂਡਿੰਗ 'ਤੇ ਦਿੰਦੇ ਹਨ।

ਉੱਥੇ ਹੀ ਮੁਲਾਂਕ 7 ਅਤੇ ਮੁਲਾਂਕ 8 ਦੇ ਜਾਤਕ ਸੋਸ਼ਲ ਮੀਡੀਆ ਦੀ ਵਰਤੋਂ ਤਾਂ ਕਰਦੇ ਹਨ, ਪਰ ਟ੍ਰੈਂਡ ਦਾ ਹਿੱਸਾ ਬਣਨ ਤੋਂ ਬਚਦੇ ਹਨ।

ਕਹਿਣ ਦਾ ਮਤਲਬ ਇਹ ਹੈ ਕਿ ਮੁਲਾਂਕ 5 ਨੂੰ ਸੋਸ਼ਲ ਮੀਡੀਆ ਦਾ ਸਭ ਤੋਂ ਵੱਡਾ ਦੀਵਾਨਾ ਕਿਹਾ ਜਾਂਦਾ ਹੈ। ਇਸ ਦਾ ਕਾਰਨ ਬੁੱਧ ਗ੍ਰਹਿ ਤੋਂ ਮਿਲਣ ਵਾਲੀ ਕਮਿਊਨੀਕੇਸ਼ਨ ਅਤੇ ਲਗਾਤਾਰ ਨਵੀਆਂ ਚੀਜ਼ਾਂ ਸਿੱਖਣ ਦੀ ਉਤਸੁਕਤਾ ਹੈ। ਹਾਲਾਂਕਿ, ਕਿਸੇ ਵੀ ਵਿਅਕਤੀ ਦੀਆਂ ਡਿਜੀਟਲ ਆਦਤਾਂ ਸਿਰਫ਼ ਮੁਲਾਂਕ 'ਤੇ ਹੀ ਅਧਾਰਿਤ ਨਹੀਂ ਹੁੰਦੀਆਂ। ਇਸ ਵਿੱਚ ਪਰਵਰਿਸ਼, ਪੇਸ਼ਾ, ਪਸੰਦ ਅਤੇ ਲਾਈਫਸਟਾਈਲ ਵੀ ਅਹਿਮ ਭੂਮਿਕਾ ਨਿਭਾਉਂਦੇ ਹਨ।

Disclaimer: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇਸ ਲੇਖ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਾਰਮਿਕ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।