ਜਲੰਧਰ 'ਚ ਹਾਕੀ ਸਟਾਰ ਮਨਦੀਪ ਦੇ ਘਰ ਟੀਮ ਇੰਡੀਆ ਦੀ ਮਹਿਫ਼ਿਲ, ਖਿਡਾਰੀਆਂ ਤੇ ਕੋਚਾਂ ਨੇ ਚੱਖਿਆ ਪੰਜਾਬੀ ਜ਼ਾਇਕਾ; ਢੋਲ 'ਤੇ ਪਾਇਆ ਧਮਾਲ

ਟੀਮ ਇੰਡੀਆ ਐਤਵਾਰ ਨੂੰ ਮਨਦੀਪ ਦੇ ਘਰ ਦੋ ਘੰਟਿਆਂ ਤੋਂ ਵੱਧ ਸਮਾਂ ਰੁਕੀ। ਇਸ ਦੌਰਾਨ ਖਿਡਾਰੀਆਂ ਨੇ ਢੋਲ ਦੀ ਥਾਪ ’ਤੇ ਭੰਗੜਾ ਵੀ ਪਾਇਆ। ਮਨਦੀਪ ਦੇ ਪਿਤਾ ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਮਹਿਮਾਨਾਂ ਲਈ ਖਾਣੇ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ ਸੀ ਅਤੇ ਹਲਵਾਈ ਵੀ ਬੁਲਾਏ ਗਏ ਸਨ। ਵਿਦੇਸ਼ ਤੋਂ ਆਏ ਕੋਚਾਂ ਨੇ ਵੀ ਹਲਵਾਈਆਂ ਕੋਲ ਖੜ੍ਹੇ ਹੋ ਕੇ ਪੰਜਾਬੀ ਖਾਣਾ ਬਣਦਾ ਦੇਖਿਆ। ਇਸ ਮੁਲਾਕਾਤ ਦੌਰਾਨ ਓਲੰਪਿਕ ਤਮਗਾ ਜੇਤੂ ਅਭਿਸ਼ੇਕ ਦੀ ਖਾਣੇ ਦੀ ਪਸੰਦ ਦਾ ਵੀ ਜ਼ਿਕਰ ਹੋਇਆ। ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਅਭਿਸ਼ੇਕ ਨੂੰ ਆਪਣੀ ਮਾਂ ਦੇ ਹੱਥਾਂ ਦਾ ਬਣਿਆ ਚੂਰਮਾ ਪਸੰਦ ਹੈ। ਰਵਿੰਦਰ ਸਿੰਘ ਨੇ ਕਿਹਾ ਕਿ ਮਨਪ੍ਰੀਤ ਸਿੰਘ ਮਿਡਫੀਲਡ ਦੇ ਬਿਹਤਰੀਨ ਖਿਡਾਰੀਆਂ ਵਿੱਚ ਸ਼ਾਮਲ ਹਨ ਅਤੇ ਉਨ੍ਹਾਂ ਦੀ ਕਮੀ ਮਹਿਸੂਸ ਹੋਣੀ ਸੁਭਾਵਿਕ ਹੈ।