Hantavirus ਦਾ ਕਹਿਰ ; ਕੈਨੇਡਾ ’ਚ ਹੰਤਾਵਾਇਰਸ ਦਾ ਪਹਿਲਾ ਮਾਮਲਾ ਆਇਆ ਸਾਹਮਣੇ, ਸਿਹਤ ਏਜੰਸੀਆਂ ਚਿੰਤਾ ’ਚ

ਓਟਾਵਾ (ਆਈਏਐੱਨਐੱਸ) : ਕੈਨੇਡਾ ’ਚ ਹੰਤਾਵਾਇਰਸ ਦਾ ਪਹਿਲਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਸਿਹਤ ਏਜੰਸੀਆਂ ’ਚ ਚਿੰਤਾ ਵਧ ਗਈ ਹੈ। ਕੈਨੇਡਾ ਦੀ ਜਨਤਕ ਸਿਹਤ ਏਜੰਸੀ ਨੇ ਪੁਸ਼ਟੀ ਕੀਤੀ ਕਿ ਪੀੜਤ ਵਿਅਕਤੀ ਕਰੂਜ਼ ਜਹਾਜ਼ ਐੱਮਵੀ ਹੋਂਡੀਅਸ ਦਾ ਯਾਤਰੀ ਸੀ ਤੇ ਫ਼ਿਲਹਾਲ ਬ੍ਰਿਟਿਸ਼ ਕੋਲੰਬੀਆ ’ਚ ਆਈਸੋਲੇਸ਼ਨ ’ਚ ਰੱਖਿਆ ਗਿਆ ਹੈ।

ਪੀੜਤ ਵਿਅਕਤੀ ਦੇ ਨਾਲ ਯਾਤਰਾ ਕਰ ਰਹੇ ਦੂਜੇ ਯਾਤਰੀ ਦੀ ਰਿਪੋਰਟ ਨੈਗੇਟਿਵ ਆਈ ਹੈ। ਫ਼ਿਲਹਾਲ ਕੈਨੇਡਾ ’ਚ ਸਾਰੇ ਹਾਈ-ਰਿਸਕ ਸੰਪਰਕਾਂ ਦੀ ਨਿਗਰਾਨੀ ਜਾਰੀ ਹੈ। ਹੰਤਾਵਾਇਰਸ ਦਾ ਇਹ ਪ੍ਰਕੋਪ ਐੱਮਵੀ ਹੋਂਡੀਅਸ ਜਹਾਜ਼ ’ਤੇ ਫੈਲਿਆ, ਜਿਸ ’ਚ ਹੁਣ ਤੱਕ ਤਿੰਨ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।